Resep Caro Mambuek Nasi Kapau Spesial Khas Bukittingi

Nasi kapau, adolah salah satu kebanggaan bagi masyarakat kota bukittinggi, nasi kapau ko alah melanglang buana sampai kenegara negara tetangga bahkan sampai ke pinjuru dunia, nan mambuek nasi kapau ko babeda jo nasi padang adolah dari banyak item sambanyo labiah banyak mangunokan dagiang jawi atau kabau, biaso e dalam sabungkuih atau sapiriang nasi adoh 3 macam item lauak atau samba plus gulai cubadak nan selalu mandampingi dalam sabungkuih atau sapiriang nasi, nasi kapaw ko caro penyajian nyo juo unik,

Kalau yang nasi kapaw asli biasonyo nampak dari penataan letak samba samba yang disusun untuak kadijua, samba samba tu dilatakan diateh meja batingkek satinggi pinggang ughang dewasa, dan panuah jo menu menu samba diateh meja, dan caro mam ambiak samba nyo pun ughang nan manjua mambutuahkan tangkai sanduak nan panjang disikolah latak keahlian ughang nan manjua dalam mamaiankan sanduak nan batangkai panjang tersebut.

Ciri khas nasi kapaw yang jalaih bana pado nasi padang adohlah, banyak sayua nan diangiah ughang mangalaih, yang indak pernah absen, pakih, rabuang, lobak, kacang panjang dan gulai cubadak, gulai cubadak nasi kapaw juo indak samo seperti gulai cubadak pado nasi padang, kalau nasi padang kuah gulai nyo pakek kalau nasi kapaw kuah gulai no jalang

Partamuan kali ini, mimin akan cubo share resep dan tips caro mambuek nasi kapau spesial khas ughang bukittinggi, silahkan di pelajari step by step resep dan caro mambuek nasi kapau ko.

Proses : 40 menit
Lamo mamasak : 75 menit
Porsi : untuak 6 ughang

Bahan bahan 

• 2 bh cubadak nan masih mudo
• 12 bh kacang panjang
• 100 gr rabuang mudo
• 200 gr lobak
• 500 ml santan murni
• 3 bh langkueh geprek
• 4 bh daun salam
• 1 bh batang sarai
• 1 sdt gulo
• 1 sdm garam
• 100 gr minyak manih

Bumbu bumbu

• 8 siuang bawang merah
• 6 siaung bawang putiah
• 15 bh lado 
• 100 gr marica
• 1 sdt jinten
• 2 bh kunyik dibaka
• 1 jahe sagadang ampu jari

Caro mamasak

1. Langkah partamo, digiliang atau diblender bumbu bumbu sampai aluih
2. Kamudian tumih bumbu bumbu nan dialuihan tadi, lalu masuakan santan, langkueh, daun salam, sarai, gulo dan diaduak aduak sampai marato, 
3. Setelah gulai mandidiah dan cubadak alah agak mulai lunak, tamahkan lobak, rabuang jo kacang panjang, angiah garam koreksi raso
4. Gulai nasi kapau siap dihidangkan

Kalau gulai sajo nan ka di mamam jo nasi mungkin agak laghi salegho sangenut, kito cubo lo lah buek samba lado hijau nyo, buliah nak basah kaniang tu sangenek dek bakaringek

Samba Lado Hijau

makan kalau indak balado ko yo lah agak lain ghaso nyo, po lai awak ughang minang nan tasabuik pancinto padeh, kalau makan indak bakaringek indak makan namo e tu do., kok dapek makan ko yo bakaringek.. po lai kapalo basah dikaringek dek e baitulah padeh nyo.

Proses : 20 menit
Lamo mambuek : 40 menit

Bahan bahan

• 15 bh lado hijau
• 8 bh lado kutu
• 5 siuang bawang merah
• 3 siuang bawang putiah
• 1 bh tomat
• 1 sdt gulo
• 1 sdm garam
• 50 gr minyak manih

Caro mambuek samba lado hijau

1. Langkah partamo kukuih diateh nasi bahan bahan tadi, labiah khugang 15 menit
2. Sasudah itu digiliang kasa lado ijau tad,i ijan sampai haluih, angiah garam jo gulo koreksi raso
3. Samba lado hijau siap disajikan jo nasi kapau.

Baitulah caro mambuek nyo dunsanak, krtik dan saran nyo yang membangun silahkan dikomen dikolom komentar, Jiko artikel atau tuilsan ambo ko bermanfaat silahkan dishare atau dibagikan kapado kawan kawan atau dunsanak dunsanak kito yang sadang mancubo mambuek hidangan nasi kapau ko. trims'