Resep Gulai Tambusu, Usus Jawi Nan Mandayo Salero

Gulai tambusu, lai tau dunsanak ambo tuw, apo yang dikatokan tambusu ??... Batuaa bana.... tambusu yaitu usus jawi nan dibuek urang manjadi masakan lamak bai isi talua bacampua jo santan, gulai ko tamasuak makanan anduang awak nan turun tamurun dari dahulu nyo, buliah dikatokan gulai tambusu ko tamasuak salah satu masakan legend - red urang minang ,, kah kah kah kah... ateh namo ughang awak ndak adoh nan indak tau jo masakan ciek ko, mimin sajo suko mamakan gulai tambusu ko,

Tambusu atau Tambunsu, juo menjadi masakan handalan dirumah  rumah makan padang,  indak komplit rasonyo kalau indak adoh gulai legend ko,  ciri khas nyo , gulai santan pakek, baminyak ditambah lo jo lado kutu jadi batambah lamak gulai ko, padeh padeh gimana itu, dimakan nyo padeh tapi lamak juo,, itu lah urang awak kalau ndak padeh lari salero tamasuak mimin,, :D

Untuk dunsanak ambo sadonyo, disiko mimin mambagikan resep dan tips untuak mambuek gulai tembusu khas ranah minang kampuang awak tacinto, silahkan dipelajari step by stepnyo.

Proses : 40 menit
Lamo mamasak : 60 menit
Porsi : untuak 8 urang

Bahan bahan

• 2 kg usus jawi
• 8 incek talua ayam
• 6 incek talua itiak
• 800 santan jalang
• 300 santan pakek
• 200 ml aie
• 100 gr minyak manih
• 2 bh sarai geprek
• 4 bh daun salam
• 2 bh daun kunyik
• 1 sdt lado bubuak
• penyedap sachet

Bumbu bumbu

• 20 bh lado merah
• 15 bh lado kutu
• 8 siuang bawang merah
• 6 siuang bawang putiah
• 4 bh kamiri
• 1 bh jahe
• 1 bh langkueh
• 1 sdm garam
• 1 sdt gulo

Caro mamasak

1. Langkah nan partamo, ambiak usus jawi ten, barasiahan sabarasiah barasiah nyo, usahoan katiko mambasuak usus ijan sampai cabiak takuik nyo beko taserak isi adonan nyo didalam
2. Aluihan bumbu bumbu diateh jo blender bisa labiah rancak digiliang tangan ( warisan leluhur )
3. Salanjuiknyo ambiak talua tadi kamudian dikocok masuakan bumbu aduak aduak sampai rato lalu masuakan kadalam usus, ijan panuah panuah bana di isi, sisoan agak sangenek, buliah katiko diabuih indak pacah nyo do
4. Sudah tu usus jawi tadi diabuih sampai masak, ijan lupo dibolak baliak usus tu bia masak e marato
5. Habis itu angekan minyak manih, ditumih bumbu bumbu nan alah ba haluih an tadi, ijan lupo masuak daun daun , daun salam, daun limau daun kunyik dan sarai, lalu masuakan santan jalang tadi aduak aduak sampai santan agak manyusuik
6. Langkah terakhir masuakan santan pakek aduak aduak taruih ijan sampai pacah kuah, buek gulai ten  pakek dan baminyak lalu masuakan usus tadi aduak aduak sampai gulai masak
7. Gulai tambusu khas ranah minang siap dihidangkan.

Nah mode tu chago mamasak e dunsanak ambo, indak sulik sulik gai doh, terkhusus untuak nak gadih nak gadih kamek nan ghancak ghancak duduak dibulakang ten, harus pandai awak masak, kalau indak lari udo tu beko, aa masuak banda  awak jadi e... :D

Kok lai bamanfaat artikel ko ijan lupo dunsanak, tugaih dusanak ambo untuak mambagian atau man share ma taun adoh dunsanak dunsank kito nan mambutuahkan resep caro mamasak gulai tambusu ko.. tarimokasih !

Salam Sambalado Tanak !