Sate Danguang Danguang Yuang Karisiak Palapeh Litak

Sate danguang danguang, selain dhagi piaman, payokumbuah juo punyo sate nan terkenal yaitu sate donguang donguang namoe , sate danguang danguang ko kalau dighaso indak terlalu padeh, indak seperti sate padang pado umumnyo,kok cahgo mambuek sate ko indak jauh babeda, cuma sate donguang donguang indak terlalu banyak mamakai bumbu, paliang adoh agak sangenek mamakai santan pakek jo gulo saka, makoe ghaso sate donuguang donguang ko agak manieh, kalau sate padang biaso indak adoh mamakai santan jo gulo

Maingek sate donguang donguang ko, samaso mimin sikola dulu, acok diajak pai main jo kawan ( konco palangkin ) samaso sikola ka ghumah e dipayokumbuah, di taram namo kampuang e, pas hari libur disitulah mimin partamo sakali mancubo sate donguang donguang ko,  mimin juo sempat mancaliak chago mambuek e dek khagano nan mangalaih sate ko mamak dhagi pado mimin tu, dagiang nan dipakai ka untuak sate, iyo dagiang jawi pado umum e, mulai dhagi isi phaguik jawi, paru, lidah dan dagiang segar lain nyo,, samasmo itu harago sate donguang donguang disiten Rp.1500 saporsi, dagiang diangiah 7 tusuak khigo khigo tahun 1997' akhir.

Dhagi pada mimin bhacagito panjang lebaa makin jadi naiak gulo darah sanak beko, elok lah mimin cubo je share resep dan tips chago mambuek sate donguang donguang ko keh keh keh keh....

Proses : 35 menit
Lamo mambuek : 50 menit
Porsi : Untuak 6 ughang

Bahan bahan 

• 60 bh dagiang sate tusuak
• 400 gr dagiang padek diabuh sampai lunak dipotong ngenek
• 400 gr lidah jawi diabuh sampai lunak dipotong ngenek
• 1 bh karambia nan alun terlalu gaek, diparuik
• 300 ml santan pakek
• 6 sdm tapuang bhageh
• 1000 ml kaldu jawi
• 2 sdm bubuak kari 
• 4 bh daun asam
• 3 bh daun kunyik
• 3 bh batang sarai geprek
• 50 gr gulo
• 50 gr gulo saka

Bumbu bumbu 

• 15 siuang bawang merah
• 7 siuang bawang putiah
• 8 bh lado merah gadang
• 1 bh langkueh
• 1 bh kunyik sagadang ampu 
• 2 sdt katumba
• 2 sdt jintan
• 2 sdm garam

Caro mambuek sate

1. Langkah partamo, aluihan bumbu bumbu digiliang tangan buliah atau labiah capek diblender
2. Sudah tu angekan minyak dikuali, tumih bumbu bumbu tadi angiah daun asam, sarai jo daun kuniyk
3. Kamudian, ambiak bumbu bumbu tadi gulimangan dalam panci / wadah nan baisi dagiang jo lidah jawi tadi, masuakan kaldu, jo karambia lalu dimasak diateh tungku sampai dagiang jo lidah jawi lunak
4. Setelah dagiang jo lidah jawi tadi masak, buek basilang silang mancucuak e dagiang 2, lidah 2 atur saroman tu ka tusuak sate, sampai habieh dagiang jo lidah tadi ditusuak
5. Langkah terakhir, jikok alah salasai manusuak dagiang jo lidah jawi tadi, lalu dibaka diateh pemakaran sate, dibolak baliakan bia dagiangnyo marato masak
6. Siso bumbu nan bahaluihan tadi campuan samo santan pakek jo kuah kari, lalu diabuih jo aie tambahkan tapuang bhageh aduak aduak hinggo mengental lalu dinginkan
7. Sate danguang danguang siap disajikan.

Nah, ba itulah chago mambuek sate danguang danguang sanak, kok adoh nan khugang resep nyo tolong sanak tambahi dikolom komentar,  sampai disiko dulu perjumpaan kito, jiko artikel iko bermanfaat bantu dishare atau dibagikan yo sanak, buliah nak samakin bakamban blog resep masakan minang kito ko,, tq.