Samba Palai Bada Buatan Anduang Nan Selalu Takana

Palai bada ko juo marupokan masakan tradisional urang awak, kalau dari bantuak nyo samba palai ko hampia samo jo masakan pepes baso indonesia e, palai bada ko terkenal sangaik diranah minang, satiok kampuang satiok daerah diminangkabau sudah pasti tau jo samba nan ciek ko, masakan iko juo tamasuak salah satu masakan legend ughang gaek gaek awak dahulu, kito sebagai generasi penerus wajib mamiliharo jo manjago ijan sampai resep tradisional ko musnah ndak babakeh lai lah hilang aniang je dibaok siubin,,, taniayo generasi generasi awak kamuko isuak,  indak tontu jo jenis masakan masakan tradsional lai.

Untuk dunsanak ketahui ambo ketahui, salain bada lauk juo bisa dipalai, tapi kalau mimin  labiah suko jo palai bada pado palai lauak kancang dongkak mimin mancaliak samba palai ko, dek khagano kampuang mimin dipasisia mako e acok tasarobok jo mimin masakan iko, untuk dunsanak nan dirantau kok yo nio jo masakan palai ko datang lah kakampuang mimin, buliah nak dibuekan sakanyang kanyang phaguik.. kah kah kah..

Kali kini mimin cubo pulo man share resep dan tips chago mambuek palai bada jo palai lauak buliah nak sanang pulo dalam khigo khigo ba agak hati, untuak dunsanak ambo sadonyo nan nio mancubo mambuek palai pada ko buliah, silahkan ambiak resepmyo dan pelajari step by step nyo

Resep Palai Bada

Proses : 35 menit
Lamo mamasak : 55 menit
Porsi : untuak 6 ughang

Bahan bahan 

• sakilo bada basah nan kamek kecek ughang
• 3 bh daun mangkuak disaik ketek ketek daun nyo
• 200 gr karambia diparuik kasa
• 2 bh limau kapeh 
• 1 ikek daun kemangi
• 2 bh daun kunyik
• saikek daun pisang untuk pambungkuih

Bumbu bumbu 

• 10 bh lado merah
• 7 bh lado kutu ( kalau nio padeh, labiahkan )
• 1 bh jahe
• 1 sdm garam
• 1 sdt gulo

Caro mamasak 

1. Langkah partamo : ambiak bada tadi barasiahkan, lallu masuak aie limau kapeh untuak pailang anyia angiah garam sangenek
2. Aluih kan bumbu bumbu tu sadonyo, buliah digiliang atau diblender rancak bana
3. Sudah itu campua bumbu aluih tadi samo bada ambiak daun pisang tungkuih dalam daun agiah kemangi, daun salam, paruiktan karambie, daun kunyik dan daun mangkuak campuan sado alahe, agiah garam sangenek, a dikicok  aghaso e, kalau khugang asin tambahan garam du
4. Sasudah itu siapkan pembakaran,, aa lalu dibaka palai bada yang lah babungkuih jo daun pisang tadi sampai masak
5. Pala bada siap dihidangkan.
   

Resep Palai Lauk 

baitu juo dunsanak ambo,, caro mamasak palai lauak ndak jauh babeda jo caro mamasak palai bada, cuma disiko kito mampagunokan lauak sebagai toping nyo untuak ka dipalai, manitiak aie shalego mimin ma sanak dek takana piak amba mamasakan palai bada untuk mimin bakatu sadang bakencan dulu diajak mamam jo keluarga besar e :D


Proses : 35 menit
Lamo mamasak : 55 menit
Porsi : untuak 4 ughang

Bahan bahan 

• 1 kg lauk kalau nan ghancak lauak ambu ambu
• 3 bh daun mangkuak disaik ketek ketek daun nyo
• 200 gr karambia diparuik kasa
• 2 bh limau kapeh 
• 1 ikek daun kemangi
• 2 bh daun kunyik
• saikek daun pisang untuk pambungkuih

Bumbu bumbu 

• 10 bh lado merah
• 7 bh lado kutu ( kalau nio padeh, labiahkan )
• 1 bh jahe
• 1 sdm garam
• 1 sdt gulo

Caro mamasak 

1. Langkah partamo : ambiak lauak tadi barasiahkan, lalu masuakan aie limau kapeh untuak pailang anyia angiah garam sangenek
2. Aluih kan bumbu bumbu tu sadonyo, buliah digiliang atau diblender rancak bana
3. Sudah itu campua bumbu aluih tadi samo lauak ambiak daun pisang tungkuih dalam daun agiah kemangi, daun salam, paruiktan karambie, daun kunyik dan daun mangkuak campuan sado alahe, agiah garam sangenek, a dikicok  aghaso e, kalau khugang asin tambahan garam du
4. Sasudah itu siapkan pembakaran,, aa lalu dibaka palai lauak yang alah babungkuih jo daun pisang tadi sampai masak
5. Pala lauak siap dihidangkan.

Ok dunsanak ambo, baitulah caro mamasak palai bada jo palai lauak, semoga resep iko bisa menjadi sumber inspirasi bagi dunsanak nan sadang mancubo mambuek masakan tradisional khas minangkabau ko.. ijan lupo dishare yo dunsanak.. Thagimo kasih !