Onde onde Buatan Anduang Nan Paliang Lamak Ambo Raso

Onde onde ko juo tamasuak salah satu makanan tradisional khas ughang awak, onde onde ko dibuek dhagi tapuang katan, gulo saka jo paruik tan  khagambie nan saparo gaek, onde ondeh ko banyak juo model varian isian didalam nyo sanak, antaro lain, onde ondeh sipuluik, onde ondeh kacang ijau, onde ondeh kacang merah, onde ondeh ubi, dan banyak lain lain nyo, tagantuang ughang nan terampil mamasak bisa mambuek onde onde ko dalam banyak mode, kalau dunsanak nio manchagi onde ondeh ko masuak je lah kapasa banyak ughang nan manjua e tu mah, karano onde ondeh ko juo tamasuak dalam kategori jajanan pasa.

Sangkek ambo kinut kinut dulu, anduang ambo suko bana mambuek onde ondeh ko, tapi liau labiah suko mambuek nyo dengan isian gulo saka didalam,  po lai dimakan katiko angek angek bhagu siap dimasak onde ondeh ko dunsanak,  ambuih ambuih e tu ma, nan paliang acok takana dek mimin, katiko dimakan angek angek, malancin lancin gulo saka tu didalam rangkungan mimin,, ondeeeee.... yo ndak dapek kadibaco lai sanak, mungkin takah tu mako di agiah e namo onde onde ko dek ughang ndak..

Ok sanak ambo, dhagi pado lamo lamo ambo bhacagito beko batambah naik gulo darah sanak beko, elok lah kito langsuang sajo masuak kapado inti pokok chagito, yaitu mimin akan membagikan resep dan tips caro mambuek onde onde isian gulo saka, silahkan dunsank simak step by stepnyo.

Proses : 35 menit
Lamo mambuek : 50 menit
Porsi : Untuk 8 ughang

Bahan bahan 

• 500 gr tapuang sipuluik
• 300 gr gulo saka, ( kalau ndak tau jo gulo saka, gulo merah gai nah )
• 400 gr paruik an karambia nan alu n talalu gaek
• 3 sdt gulo
• 2 sdm garam
• 1 bbh pewarna
• 4 lembar daun pandan
• 500 ml aie

Caro mambuek onde ondeh

1. Nan partamo sakali, dunsanak harus siapkan tampek, bhagupo panci atau mangkuak gadang, ambiak tapuang sipuluik tadi, garam, gulo jo aie, aduak aduak buek jadi adonan, habis tu tambahkan pewarna atau daun pandan buliah nak batambah kamek bantuak e sangenek
2. Katiko adonan tu alah siap, dibuek mode bola pingpong, buek jo tangan gampang mo, ambiak adonan tu bulek bulekan jo tangan, jadi tu mah sudah tu masuakan gulo saka didalam.
3. Lankah salanjuiknyo, parutan karambia tadi tu diangiah garam dikukuih agak sabanta khigo khigo 15 menit lah lalau sisiahan
4.  Langkah terakhir, angekan air dalam panci sampai mandidiah, sudah tu masuakan adonan yang lah manjadi bola pingpong tadi kadalam aie mandidiah, nah, katiko onde ondeh ko lah mangambang ka ateh, partado alah masak barang tu 
5. Siapkan piriang susun elok elok onde ondeh tadi, siraman parutan karambia sakuliliang onde ondeh tu angiah irisan daun pandan untuak pawangi e
6. Onde ondeh sipuluik gulo saka siap bahidangan.

Macam tu lah chago mambuek e sanak, cubo lah sanak terapkan dighumah ijan dibali kadi bali juo, kalau lah ndak bakhagajo udo tu baa chago kamambali e lai , sansai wak jadi e.. kah kah kah kah..... Selamat Mencoba :)