Sala Bulek Makanan Di Wakatu Wak Ngenek Yo Badaso

Sala bulek iko juo makanan ughang awak labiah langkok e sebagai cemilan dan kaganti lauak palamak makan jo nasi,  angkek mimin kinut kinut dahulu, mimin sangaik gharang jo sala bulek ko, diughang habieh 2 dimimin habieh 5 yo betu.. kah kah kah.. sala bulek ko makanan dhagi tapuang bhageh bacacampue jo lauak, tu ba agiah lo bumbu bumbu dapua anduang, baa indak kalamak jadi e,, kato ughang  eh, mambuek sala bulek ko adoh lo teknik teknik nyo juo ma sanak ambo, kalau indak maleset sala tu beko,

Nagari penghasil sala bulek ko kalau ndak salah tebakan mimin nagari piaman biasonyo piaman ko memang banyak mambuek makanan makanan nan lamak lamak, indak sala bulek ciek gai doh, sala lauak gai, sala maco gai, tu adoh sala sala nan lain gai. dunsank searching je lah di angku google tau liau sadonyo tu mah :D

Dicubo lo share ciek lu chago mambuek sala bulek ko, untuang untuang dunsanak mimin bisa pulo  mambuek , mano tau isuak babuka lo galeh sala bulek ko dimuko ghumah.

Proses : 35 menit
Lamo mambuek : 50 menit
Porsi : untuak 10 ughang

 Bahan bahan 

• 500 gr tapuang bhageh
• 700 ml aie mandidiah 
• 2 buah penyedap
• 4 ikua lauk asin, di cabiak an ngenek ngenek dagiang lauk e
• 3 alai daun kunyik, potong ngenek ngenek

Bumbu bumbu 

• 10 bh lado merah
• 6 siuang bawang merah
• 4 siuang bawang putiah
• induak kunyik 2 bh
• 1 bh jahe sagadang ampu tangan

Caro mambuek 

1. Langkah partamo, chagi embe atau mangkuak nan agak gadang masuakan tapuang bhageh kadalam
2. Di aluih an sadonyo bumbu bumbu diateh ten, sudah tu campuan jo tapuang bhageh tadi agiah daun kunyik nan bapotoang ketek ketek tadi
3. Sasudah itu masuakan aie nan manddiah tadi saketek saketek lalu adiuak aduak jo sanduak, sudah tu padian agak dingin adonan tu sangenut
4. Alah dingin beko adonan tu, cetak dibuek mode bola pingpong, sudah tu masuakan ikan asin tadi, buek sabanyak banyak e, masalah e ughang kampuang mimin katibo ka ghumah dunsank ko a
5. Langkah terakhir, angek an kuali agiah minyak manih, di goreang adonan tadi tu
6. Sala buleek siap untuak dihidangkan.

Mhugah je chago e mambuek e nyo dunsanak, ndak kapayah payah gai do, ijan ditighu uniang disubalah ghumah ambo ko, pamalaih sangaik sado e babali, isuak habieh pitih nan dibawah kasua tu ghasailah,,,,,,, jo a kadibali lai ,,, kahkahkah